وێنه‌ی ئه‌و به‌رپرسه‌ باڵایه‌ی داعش كه‌ ئه‌مڕۆ پێشمه‌رگه‌ كوشتی

16 سبتمبر, 2014 08:00 م

58 0

هه‌ولێر،ئاوێنه‌نیوز: له‌ راگه‌یاندراوێكدا كه‌ وێنه‌یه‌كی ده‌ست ئاوێنه‌نیوز كه‌وتووه‌، ئه‌نجومه‌نی ئاسایشی هه‌رێم ئه‌مڕۆ(سێ شه‌ممه‌) رایگه‌یاند، ئه‌بو سومه‌ییه‌، لە ساڵی ٢٠٠٦ه‌وه‌ بەیعەتی داوه‌ته‌ رێکخروای قاعیدەو کەسێکی نزیکی زەرقاوی بوو، لە ساڵی ٢٠٠٧ه‌وه‌ سەرپەرشت و پلاندانەری سەرەکیی تەقینەوەی رێکەوتی ٩/٥/٢٠٠٧ی بەردەم وەزارەتی ناوخۆ لە هەولێر بوو.

ئەنجومەنی ئاسایش پشتراستی دەکاتەوە کە گەورە تیرۆریست (ئەبو عەبدوللا) بەرپرسی سەربازیی ویلایەتی موسڵی تیرۆریستان ئەمرۆ لە ناوچەی خازر کوژراوە. تیرۆریست ئەبو عەبدوللا ناوی تەوای (یاسین عەلی سلێمان شلاش)ە و خەلکی موصلە و لە دایکبووی سالی ١٩٧٤ و دەرچووی کۆلێجی ئاداب بەشی عەرەبی بووە و ماوەیەک مامۆستا بووە. ناوبراو لە ساڵی ٢٠٠٣ پەیوەندی بە رێکخراوی تیرۆریستی تەوحید و جیهاد کردبوو و نازناوی حەجی تارقی هەبوو. لە ساڵی ٢٠٠٦ ناوبراو بەیعەتی دایە رێکخروای قاعیدە و کەسێکی نزیکی زەرقاوی بوو و بە ئەبوو سومەیە دەناسرا . لە ساڵی ٢٠٠٧ ئەم تیرۆریستە سەرپەرشت و پلاندانەری سەرەکیی تەقینەوەی رێکەوتی ٩/٥/٢٠٠٧ی بەردەم وەزارەتی ناوخۆ لە هەولێر بوو. لە سالێ ٢٠١٠ ناوبراو لە لایەن هێزەکانی ئەمەریکا دەستگیر کرا و رادەستی لایەنی عێراقی کرا و بە هەتاهەتایی حوکم درا و رەوانەی زیندانی ئەبو غرێب کرا. لە ساڵی ٢٠١٣ لە کرداری شکاندنی زیندانی ئەبو غرێبدا لە گەل ژمارەیەک تیرۆریست بەرەو سوریا ڕای کرد و لە هەمان ساڵ پەیوەندی بە داعش کرد و لە ناو ئەم گروپەدا بە ئەبو عەبدوللا دەناسرا. ناوبراو بەرپرسی گشتیی سەربازیی ویلایەتی نەینەوای تیرۆریستان بوو. لە چەند مانگی رابردوودا سەرپەرشتی هەموو کردارە سەربازییەکانی سنووری نەینەوای کردووە. ناوبراو بەرپرسی یەکەمی کرداری رفاندنی ئافرەتانی کوردی ئێزدی و شوێن بزرکردنیان بووە.

ئەم تیرۆریستە ئەمرۆ لە ئۆپەراسیۆنی ئازادکردنی حەسەن شام و دەورووبەری کە بە هەماهەنگیی هێزی پێشمەرگە و هێزی ئاسمانیی ئەمەریکا ئەنجام درا لە گەل ژمارەیەک تیرۆریستی تری هاورێی کوژرا بە سزای خۆی گەیشت.

مصدر: awene.com

إلى صفحة الفئة

Loading...