بۆ یەكەمجار حكومەتی هەرێمی كوردستان گرێبەستی چەك واژۆ دەكات

17 سبتمبر, 2014 11:14 ص

55 0

بۆ یەكەمجار حكومەتی هەرێمی كوردستان گرێبەستی چەك واژۆ دەكات

ئاوێنەنیوز، سلێمانی: ئەمڕۆ "چوارشەممە" وەزارەتی پێشمەرگەی حكومەتی هەرێمی كوردستان‌و وڵاتی کەندا، گرێبەستی چەکیان واژۆ، ئەمەش وەك پالپشتیەكی نێو دەوڵەتیە بۆ پێشمەرگە.

گرێبەستەکە لەلایەن هەریەكە لەمستەفا سەید قادر وەزیری پێشمەرگە‌و برۆنۆ ساکۆمانی، باڵیۆزی کەنەدا لەئەردەن‌و عێراق واژۆ کرا.

گرینگترین ئەو پێداویستییە سەربازییەیش کە لەو گرێبەستەدا هەیە، ڕۆبۆتی مینهەڵگرەوەو تەقەمەنیە كە لەلایەن ئەو وڵاتەوە بۆ پێشمەرگە دەنێردرێت، کە بەنوێترین تەکنۆلۆژیای سەربازی دروست کراوە.

باڵیۆزی کەنەدا لەوبارەیەوە خۆشحاڵیی خۆی دەربڕیوە بەوەی کە وڵاتەکەی بریاری ناردنی پێداویستییە لۆجیستیکییەەکانی بۆ پێشمەرگە قبووڵ کردو ئەم هەنگاوەیشی بە سەرەتایەکی باش زانی بۆ باشترکردنی پەیوەندییە سەربازییەکانی نێوان هەردوو لا.

بەرپرسانی پێشمەرگەش سوپاسی هەڵوێستی دەوڵەتی کەنەداییان کرد لەبەرامبەر بەدەمەوەچوونی داخوازییەکانیان راشیانگەیاند گەیاندنی ئەو پێداویستیانە جووڵەو پێشڕەوییەکانی هێزەکانیان لە مەیدانی شەڕ خێراتر دەكات.

ئەمە یەكەمجارە كورد گرێبەستی چەك بەشێوەیەكی ئاشكرا واژۆ بكات‌و دەستی بەچەكە پێشكەوتوەكان بگات، بەڵام تائێستا نەزانراوە گرێبەستەكە تەنها هاوكاری سەربازییە كەندایە بۆ پێشمەرگە یان كڕینی چەكە لەوڵاتە لەلایەن حكومەتی هەرێمەوە.

مصدر: awene.com

إلى صفحة الفئة

Loading...