ئوردن و فره‌نسا جه‌خت له‌ پشتگيری حكوومه‌ت عبادی ئه‌كه‌ن

18 سبتمبر, 2014 07:10 ص

35 0

ئوردن و فره‌نسا جه‌خت له‌ پشتگيری حكوومه‌ت عبادی ئه‌كه‌ن

شه‌فه‌ق نيوز/ هه‌ر يه‌ك له‌ ئوردن و فره‌نسا سه‌رله‌نوو جه‌خت له‌ پشتگيری حكوومه‌ت عراقی ئه‌كه‌ن وه‌ سه‌رۆكايه‌تی حه‌يده‌ر عبادی و هه‌وڵه‌يلی ئه‌را له‌ناوبردن ريكخرياگ داعش ك زاڵ بويه‌سه‌ بان ناوچه‌يليگ وه‌رفراوان له‌ باكوور و خوه‌رئاوای عراق.

وه‌ گووره‌ی هه‌واڵ ئاژانس بترای ئوردنی ك(شه‌فه‌ق نيوز)ئاگاداری بوی، ئه‌وه‌ ده‌ركه‌فت شا عه‌بدوڵڵای دويه‌م پادشای ئوردن و فرانسوا هۆلاند سه‌رۆك فره‌نسی پاريس پايته‌خت فره‌نسا گفتگوويگ دولايه‌نی ساز كردنه‌ وه‌ ئاماده‌بوين گه‌ورا وه‌رپرسه‌يل هه‌ردوگ وڵات و له‌و دانيشتنه‌ باس له‌ په‌يوه‌نديه‌يل دولايه‌نی و رويداگه‌يل سياسی خوه‌رهه‌ڵات ناوين و هه‌وڵ جيوه‌جيكردن ئاشتی و رويداگه‌يل عراق و سوريا كردنه‌.

ئاژانسه‌گه‌ يه‌يش ده‌رخست ك هه‌ردوگ سه‌رۆك ئوردنی و فره‌نسی سه‌رله‌نوو جه‌خت له‌ پشتگيری خوه‌يان كردنه‌ ئه‌را حكوومه‌ت عبادی و ئوميده‌وارن گشت پيكهاته‌يل ملله‌ت عراق به‌شداری پرووسه‌ی سياسی ئيسه‌ بكه‌ن.

مصدر: ku.shafaaq.com

إلى صفحة الفئة

Loading...